De Johreshauptversammlung vun de Füerwehr weer een Gedicht!

Wiel de Füerwehrhauptmann keen richtigen Plattdütschen is, ward de Johreshauptversammlungen nu je to een groten Deel op hochdütsch mokt. Ton Utglieck gifft dat denn overs een plattdütschen Bericht op de Hastedter Heimatsiet ... 

De Füerwehrversammlung weer ok in 2017 sehr gut besöcht, bit op een poor entschuldigte aktive Kameroden un een poor gesundheitsbedingt leere Plätze in de Ehrenafdeelung weer de Wehr vullständig antreten.
Ende 2016 sünd insgesamt 57 Kameroden/Innen in de Hastedter Wehr, dorvun 43 aktive Mitglieder (inkl. twee Reserve, twee beurlaubte, een Nebenwehr un een in de Verwaltungsaffdeelung), todem hett de Wehr twee Ehrenwehrföhrer un veertein Mann in de Ehrenaffdeelung.
Erfreulich is, dat mit Matthes Köhler un Lasse Schmidt weller twee junge Lüüd as Anwärter porot stoht un hoffentlich bald de Wehr ünnerstützen ward.
Frank Halmschlag hett in sien Johresrückblick op 2016 13 Insätze optellt. Een tragischen Verkehrsunfall an de Stroot no Eggstedt ward wohl noch lang in Erinnerung blieven. Alle annern Insätze weern ton Glück ni mit Personen- oder gröttere Sachschäden verbunnen, so dat 2016 - bit op den Unfall - recht ruhig weer. Bi twee Insätze in Hastedt un in Frestedt weer over ook Glück int Speel. Beide Mole weer dat wohl to een grotet Füer koom, wenn nich Füerwehr un Grundstückseigentümer beherzt ingreepen haln.
Tosätzlich to de Insätze geev dat weller veele  Öbungsobende, Fortbildungen usw.
Eene besondere Veranstaltung in 2016 weer dat => 130jährige Jubiläum,  
No den Fürwehrhauptmann hett Stellverteter Klaus-Hermann Hass över Lehrgänge berichtet. Dat ward tokünftig een beten eenfacher warn, an Lehrgänge rantokomen, wiel Klaus-Hermann dat nu direkt bi een Internetpotal anmelln kann un denn ok glieks weet, ob man dorbei is. Dorno hebbt de Fachwarte för Seekerheit (Ralf Rohwedder), Atemschutz (Florian Kewitsch), Geräte (Jan Henrik Köhler) und de Festutschuß (Hauke Köhler) de Berichte ut eere Bereiche afgeeven, bevör Kassenwart Harald Schlüter de erfreuliche Entwicklung vun de Kassenloog dorstellt hett.
Bi vorbildliche Führung un de ganze Füerwehr un ok vun de Kamerodschaftskass weer de eenstimmige Entlastung vun Wehrvörstand un Kassenwart reine Formsook.
Bi de Wohlen wor Benjamin Sturm ton stellvertretenden Kassenwart wählt un Tim Lütjens un Niklas Köhler verstärkt tokünftig den Festutschuß. As frischen Kassenprüfer woor Leon Riecken wählt.

So, nu koomt een poor Biller, un dat Thema Ehrungen, Beförderungen un Ehrengäste ward dorno gliecks mit de passenden Biller dorstellt.

De Wehrvörstand (vlnr.): stellv. Wehrföhrer Klaus-Hermann Hass, Füerwehrhauptmann Frank Halmschlag, Schrieverin Anna Hass, Finanzminister Harald Schlüter un as obersten Deenstherr Bürgermeister Uwe Schwieger

Ehrungen:
20 Johr: Florian Kewitsch
10 Johr: Benjamin Sturm, Jan-Henrik Köhler

60 Johr: Hans-Hermann Schmidt, Heinz Postel
30 Johr: Claus-Uwe Schwieger    

Brandschutzehrenzeichen in Gold:
Peter Müller is för 50 Johr aktiven Deenst in de Füerwehr utteekt worn - un wer Peter kennt, weet, dat he een würklich aktiven  Füerwehrmann mit Lief un Seel is! 

Grußwöör vun de Ehrengäste: Ehrenamtswehrföhrer Claus Jensen, Eggstedts Wehrföhrer un stellv. Kreisbrandmeister Fred Glindmeyer, Frestedts Wehrföhrer Thies Groth   

Beförderungen:
Löschmeister Harald Schlüter
Hauptfeuerwehrfrau*** Anna Hass
Hauptfeuerwehrmann*** Jan-Henrik Köhler

Verafscheedung ut den aktiven Deenst:
Gerd Günter Kamenarovic

De ganze Sool luert gespannt, op de Wehrföhrer sien Ziel torecht kriggt, de Versammlung bet viddel no tein to End to bringen ...

Dat letzte Wort hett traditionell de stellvertredende Wehrföhrer. De Füerwehrhauptmann hal dat ankündigt mit den Satz “Klaus-Hermann sagt dann am Ende noch ein Gedicht auf ...” un hett ni schlecht staunt, wat Klaus- Hermann mit dichterische Hölp vun siene Fru to Gehör bröch: 

Wenn im Dorf die Sirene ertönt,
was ist das für ein Krach,
und so mancher Anwohner stöhnt,
werden wir jetzt erst wach.

Springen wir aus den Betten,
um zu löschen das Feuer,
um Menschen zu retten,
und zu schützen, was ist lieb und teuer.

Wir sind stets bereit,
es ist für uns keine Last,
zu helfen allen Leut,
wir brauchen keine Rast.

Wir machen dies als Team,
wir können aufeinander setzen,
müssen alle an einem Strang ziehen,
so gibt es auch keine Verletzten.

Wir machen dies für Lau,
dafür gibt es keinen Lohn,
ob Mann oder Frau,
mal ein Fest, das gibt es schon.

Ich möchte Euch allen Danke sagen,
auch wenn wir dafür manchmal schwitzen,
das wir alle zusammen die Verantwortung tragen,
um unser schönes Dorf zu schützen.
                                  © Birte u. Klaus-Hermann Hass

Wat süns noch wichdig is:
An 4. Februar is  =>  Füerwehrball

Wi kriegt een niedes Füerwehrauto. De Gemeinde hett tostimmt, dat in 2017 dat Fohrgestell anschafft ward, in 2018 kummt denn de Opbu dor boben rop. Een Utschuss ut Gemeindevertretung un Füerwehr kümmert sick um de technischen Einzelheiten, um een gooden Kompromiß ut technische Utstattung, Gewichtsfrogen un finanzielle Belastung to finnen. 

Fazit: Beter kann so eene Füerwehrversammlung nich ween. Un de Versammlung weer op den Punkt um viddel no tein to End !