An veerten Advent hett de Kulturutschuß vun de Gemeinde to de Gemeindewiehnachtsfier inloot, de dat alle dree Johr in de Turnhall vun de Fief-Dörper-School gifft. De Vereene ut Dörp hebbt een bunted Programm opföhrt, bi dat för jeden Geschmack wat dorbi weer. Leider geev dat een poor krankheitsbedingte Utfälle. De Gemischte Chor musste deswegen den ganzen Optritt affseggen un ook de Posaunenchor weer ni in fulle Stärke dorbi, hett over ook ohne Dirigentin mit eenige Wiehnachtsleeder den Anfang mokt. Vör de Kaffeepaus geev dat denn noch een Musical vun de Fief-Dörper-School, een tweete Leederserie vun Posaunenchor un dat Dischgebet mit Pastor Sinn. In de Kaffepaus kunn de Kinner sick bi den Wiehnachtsmann een lütt Geschenk affholen un Jung un Olt hebbt sick an de Kaffeetofel vun de Vereene stärken kunnt. No de Kaffeepaus hebbt de Jagdhornbläser för den tweeten Deel in´t Horn blost, dorno gehörs de Bühne den MTV mit Kinnerturnen, Kinnerdanzgrupp un Jugenddanzgrupp. Bürgermeister Uwe Schwieger as wichtigste Mann in´t Dörp hett een korten Johresrückblick holen, un denn de Bühne för de MTV-Volksdanzfruunslüüd friegeeven. To´n  Affschluss hebbt wi tosomen een poor Wiehnachtsleeder sungen, de vun Pastor Sinn an´t E-Piano begleitet worn.