De Schoolhoff vun unse Fief-Dörper-School schall noch dütt Johr in Oktober un November mol orndli schiermokt warn. Een Deel vun den nieden Schoolhoff ward de Pavillon, den wi vun de Grundschool in Meldörp kriegt. An 19. September hett sick in Meldörp een lütten Trupp ut Hastedt anfunn, um de eersten Arbeiden in Angriff to nehmen. Dat Balkengerüst worr vun Niels Klinck mit siene Mannschaft affbuut, dat is weer för uns Laien eene Nummer to groot.
Op den nieden Schoolhoff ward mit niede Speelgeräte utstattet, de een ganze Stang Geld kost. Hierför gifft de Bürgerstiftung Süderhastedt een Toschuss von 20.000 Euro. De Vörstand vun de Stiftung weer eenstimmig de Meenung, dat de Investition wichtig und richtig för unseren Schoolstandort is un dor dat ganze Dörp gut vun hett.
zur hochdeutschen Version
De nächsde Schritt keem denn an 5. Oktober, Dor hebbt sick moorns opn Schoolhoff een poor Gemeindevertreter infunn, um een poor Bööm afftonehm, de de nieden Sooken in Wech stünn. An de Steed kummt de Pavillon hin un de Opgang no den Schoolhoff ward ok anners mookt. (Veelen Dank an Gerhard Rohwedder för de Biller vun dat Boom-Affnehm)
An 16. Oktober hebbt eenige Gemeindeverteter wöller anpackt un die Vorbereitungen vör den neechsten Buaffschnitt dropen:
An Enn vun Oktober weer de ganze Teer vun Schoolhoff wechmokt un de niede Plosterung worr vörbereit:
No de Harvstferien weern de Pausen för de Kinner veel interessanter. Platz genoch to´n Toben is ook bi de Buarbeiden noch dor:
An 8. November kann man een beten wat vun der niede Plosterung seen:
An 18. November is de Schoolhoff meist ferdich. Dor fehlt nu noch de Pavillon, de hier vör rechts opstellt warn schall, een beten Grönanlogen in de Blomenbeete un een poor Speelgeräte, de nied anschafft warn schüllt.
Hier kummt noch een Sandkist hin: An de Trepp is een behindertengerechten Opgang mokt worn ...
jüs so wie an den Hauptingang ... un no den Ünnerstand för de Drohtesels.
=> in´t anner Johr geiht dat wieder ...